ទីក្រុងឆាងសា, ចាងជាជៀក & ទីក្រុងហ្វូយ៉ុង

ភ្ញៀវកិត្តិយសទាំងអស់ត្រូវជួបជុំគ្នានៅ អាកាសយានដ្ឋានអន្តរជាតិភ្នំពេញ ដើម្បីធ្វើការហោះហើរទៅកាន់ ទី ក្រុងឆាងសា នៃប្រទេសចិន។ ពេលទៅដល់និងត្រូវបានទទួលស្វាគមន៍ដោយមគ្គុទេសប្រចាំតំបន់ដែលមានភាព រួសរាយរាក់ទាក់។ ជូនទៅសណ្ឋាគារសម្រាក់។

ទទួលទានអាហារពេលព្រឹករួច បន្តជូនទៅទីក្រុងបុរាណហ្វូយ៉ុង (៦ម៉ោង) ពេលទៅដល់ជូនទទួលទាន អាហារពេលថ្ងៃត្រង់រួច បន្តជូនទស្សនាទីក្រុងបុរាណហ្វូយ៉ុង ដែលពីមុនត្រូវបានគេស្គាល់ថាភូមិវ៉ាន គឺជាទីក្រុង បុរាណដែលមានប្រវត្តិជាង2,000ឆ្នាំ។ ជាចំណុចចាប់ផ្តើមជនជាតិភាគតិចថូជានៃរាជវង្សផូស៊ីក្នុងទីក្រុងស៊ីចូវ។ ដោយសារតែមានទឹកជ្រោះឆ្លងកាត់ទីប្រជុំជន ទើបគេហៅថា "ទីក្រុងបុរាណលើទឹកជ្រោះ”។ (រួមបញ្ចូលឡានអា គុយ) ជូនពិសារអាហារពេលល្ងាចរួច ជូនទៅសម្រាកនៅសណ្ឋាគារ។

ទទួលទានអាហារពេលព្រឹក រួចជូនទៅទីក្រុងចាងជាជៀក (១ម៉ោងកន្លះ) បន្តជូនទស្សនា ទីក្រុងថូស៊ី។ រួចជូន ទៅទស្សនាហាងលក់ត្បូងពេជ្រ។ ទទួលទានអាហារពេលថ្ងៃត្រង់រួច បន្តទៅជិះកន្ត្រកខ្សែកាបឡើងទៅភ្នំ ធានមិន (រួមបញ្ចូលសំបុត្រ) រីករាយជាមួយការទស្សនានឹងដើរកម្សាន្តនៅលើស្ពានកញ្ចក់ ដ៏រន្ធត់នឹងព្រឺព្រួយ កាត់ជ្រលងភ្នំ ខ្វាត់ខ្វែង(រួមបញ្ចូលសំបុត្រ) បន្តទៅទស្សនា ក្លោងទ្វារមេឃឃា។ ជូនពិសារអាហារពេលល្ងាចរួច ជូនទៅសម្រាក នៅសណ្ឋាគារ។

ទទួលទានអាហារពេលព្រឹករួច បន្តជូនទស្សនាជ្រលងភ្នំចាងជាជៀក ដែលមានស្ពានកញ្ចក់ដែលវែងជាងគេ និងខ្ពស់ជាងគេបំផុតលើពិភពលោក ដែលមានប្រវែង ៤៣០ម៉ែត្រ ទទឹង ៦ម៉ែត្រ និងកម្ពស់ ២៦០ម៉ែត្រ។ ស្ពាននេះ លាតសន្ធឹងជ្រលងភ្នំរវាងជួរភ្នំពីរនៅក្នុងឧទ្យានជាតិ ចាងជាជៀក (ចំណាយប្រាក់ផ្ទាល់ខ្លួន)។ រួចជូនទៅទស្សនា ហាងលក់ថ្នាំបុរាណចិន។ ទទួលទានអាហារពេលថ្ងៃត្រង់ រួចធ្វើដំណើរទៅឧទ្យានយានជាជៀក មានទីតាំងនៅ ភាគខាងជើងនៃឧទ្យានជាតិចាងជាជៀកនិងជាត្បូងគុជដែលបង្កប់នៅក្នុងកណ្តាលស្នូលនៃឧទ្យានទាំងមូលបន្ត ទស្សនាទីតាំងថតរឿងភាពយន្តហូលីវូដ "AVATAR"។ អ្នកអាចរីករាយនឹងថតរូបនៃស្ពានកោងដែលបានបង្ហាញ ខ្លួនជាច្រើនដងនៅក្នុងខ្សែ ភាពយន្ត "AVATAR" ជូនពិសារអាហារពេលល្ងាចរួច ជូនទៅសម្រាកនៅសណ្ឋាគារ។

ទទួលទានអាហារពេលព្រឹករួច បន្តជូនទស្សនាផលិតផលជ័រកៅស៊ូ។ បន្តជូនទៅកាន់ទីក្រុងឆាងសា (៥ម៉ោង) ពិសារអាហារពេលថ្ងៃត្រង់ រួចបន្តជូនដើរផ្សារដោយសេរីនៅវិថី ហ័ងស៊ីង ពិសារអាហារពេលល្ងាច រួចជូនទៅ ព្រលានយន្តហោះអន្តរជាតិឆាងសាដើម្បីធ្វើការហោះហើរត្រឡប់មកកាន់ប្រទេសកម្ពុជាវិញដែលប្រកបដោយ សុខសុវត្ថិភាព ភាពសប្បាយរីករាយ និងអនុស្សាវរីយ៍ល្អៗដែលមិនអាចបំភ្លេចបានជាមួយក្រុមហ៊ុនទេសចរណ៍ គ្លូប៊ល ហូលីដេ។ សូមអរគុណ!!